Aizawl Bazar Corps Band chuan Facebook ah page a nei ta!

Aizawl Bazar Corps Band chuan an rawngbawlna te alo darh a, mi te tan a malsawmna thlen tu an nih chhunzawm zel theih nan Facebook ah page an siam.

He page ah hian an rawngbawlna hrang hrang thlalak te dah a ni a, Video pawh tunah hian dah tumin hma an la mek zel e. Khawngaiha kan band te tan a lo tawngtai turin kan insawm a ni e.

A hnuaia link hi page chu a ni e.

http://www.facebook.com/pages/Aizawl-Bazar-Corps-Band/223295191041798

MAJOR P.C THANSANGA BRIGADE LEADER ATAN LALHRUAITLUANGA TLAU RUAT A NI

Maj. P.C Thansanga Brigade Leader Isaac Lalhlimpuia chu New Delhi ah a zirna chhunzawm tur a a kal tak avangin a aiawh turin SAY Council chuan Tv. Lalhruaitluanga Tlau chu an ruat a ni.

LITERATURE NITE 2011 HMAN A NI DAWN

Aizawl Bazar Corps SAY te chuan Ni 1st August, 2011 ah hian Literature Nite an hmang dawn a, inbuatsaihna a kal nasa hle. Hemi zanah hian 1970-80s inkara incheidan in inchei tur a ni.

He Literature Nite ah hian intihsiakna chi hrang hrang te buatsaih a ni dawn a. Brigade tin ten Chanchinbu insiam siakna neih tur a ni a, copy 50 theuh siam tur a tih an ni. An chanchinbu siamah hian fiamthu emaw thil ho lam mai mai telh awih a ni dawn lova, news leh thu bengvarthlak tak tak te chhuah theuh tur a hriattir an ni bawk.

Brigade tin te tan inelna tur chi hrang hrang a awm leh a. Hla inphuahsiak a, a thluk siam nghal a, chumi hla an phuah chu sak nghal theih tur a buatsaih vek tur a ni. Brigade Leader ten an Brigade theuh atangin mi 5 an thlang chhuak anga, chumi te chuan zai a inthihsiakna an nei bawk ang.

SELF DENIAL ALTER SERVICE VAWI-1NA

Self Denial Alter Service Vawi 1 na a kan sum hmuh chu Rs. 1,04,925/- a ni a, Nikum khan lakkhawm vawi 1na a kan sum hmuh kha Rs. 86,620/- a ni a. Vawi 1 lakkhawmna a nikum kan khumna chu Rs. 18,305/- a ni. Hetiang zat lai a nikum kan khum theih avang hian Pathian in ropuina zawng zawng chang se la, a thawh tu te zawng zawng pawh Pathianin malsawm rawh se.

FOOTBALL CHAMPION TROPHY KAN CORPS IN KAN LA E..

'NUTE NI THUCHAH'

By Major Lalthansanga

NUTE NI THUCHAH

“Naupang chu a kalna awm kawngah chuan zirtir ula, A upa hun pawhin a thlah lo vang. Naupang thinlungah chuan âtna a bet tlat a, Mahse thununna tiangin hla takah a hnawt kiang ang.”

(Thufingte  22:6, 15)

            Nute ni kan thlen hian tute thinlung ah mai pawh hian thil thar a lo awm thin a, thenkhat nute nen a hlim taka hmang thin te tan chuan mittui tlakna alo chang thin. Chu chuan Nute Ni hlutna leh ngainatna a lantir thin a, la hmang velo naupang tan chuan thilthar a ni a, mittui lo seng tawhtu tan pawh a hluin a thlakhlehawm a ni.

      Nute hlutna leh  mawhphurhna: A hmasa in Nu chuan a pasal leh fate chungah bul tumtu leh mawhphurhna a nei tih a inhriat hi a tul hle mai. A fate a enkawl ang bawkin a pasal chungah mawhphurhna a nei a ni tih an hriat a tul a. Pa tam tak chu naupang ang mai a enkawl leh buaipui ngai an tam mai a, Nu fel chuan mipa fel loh lang miah lovin inchhung a vawng thei. Kan Bible pawhin hetiangin a sawi:

“Hmeichhe khawsak tha chu a pasal tan lallukhum a ni a, Zahpuiawm tak thil ti erawh chu a ruh timawihtu a ni.” (Thufingte 12:4)

     Naupang thlahdah taka enkawl tu leh a tuartu hmasa ber chu Nu a ni a, a dawtah chhungkua in a tuar thin. Nu in nula ang mai a hunawl a neihtam hle chuan chhungkua a buai a, chhungkua pawhin zahawmna an hloh fo. Nu chuan a fate a hmangaih tlat avangin Pathian hriattir turin kohhran a hmelhriat tir ngei tur  a  ni.   Inkhawm rawh u, tih chu mi tam tak chuan an duh tawk a, keima hmuh leh hriat ngei nu thenkhat an fate ngaihsaklo, Pathian lama kaihhruai tum na pawh nei lo tam tak an awm.  Hetiang hi ringtute chet dan tur niin a lang lo.

     Nu chuan a fate chu Pathian thuin a kaihruai anga, inkhawm hunah an hruai ngei tur a ni. Chu chu thununna pawimawh tak a nih rualin Pathian hlauhawmzia leh hmangaihtu a nihzia a fate chu a hriattir a ni. Kan Pathian thu chuan hetiang hian a sawi a, “Lalpa tih nu-ah chuan rinna chak a awm a, a fate chuan humhimna hmun an nei ang.” a ti a ni. Chuvangin fate Pathian thu a kaihhruai hi thil tul ber ah neih tur a ni.

Pa mawhphurhna: Nu mawhphurhna kan sawi tawh a. Chhungkaw enkawl thu ah Pa hian mawhphurhna nasa tak a nei. Pa ber a awm that loh chuan fate chuan kawng diklo zawh an awlsam bik thin. Chuvang-in Pa chuan chhungkua a a mawhphurna chu a hlen ngei ngei tur a ni.

     Sam ziaktu chuan, “Fing taka awmtir chein i kalna tûr kawng chu ka entir ang chia; Ka mita en reng chung chein rem ka ruatsak zel ang che.” a ti. (Sam 32:8).

Naupangte tih tur: Nu leh pa mahni fate awmdan mawi leh tha zirtir lo an awm lovang. Pathian thu atanga zirtir hi a pawimawh ber fo. Kan Pathian thu ah naupang te tih tur a sawi a- “Naupangte u, Lalpaah chuan in nu leh in pate thu zawm rawh u; chu chu thil dik a ni si a. I nu leh i pa chawimawi rawh,(chu chu thupek tiam nei hmasa ber a ni.) Chutichuan, itan a tha ang a, leiah hian i dam rei bawk ang.” (Ephesi 6-1-3)

     Nu chuan a fate ei leh in, silh leh fen thu ah te mawhphurtu a nih avangin Pathian rawngbawlna chu a veiber ani tur ani a. EWnglai pawhin a fate tan entawntlaka nung turin Pathiana hnenah a intiam thar tharin a inhlan thar fo tur a ni.

            ““Tin, nangnin eng atan nge, ka thu zawm si lo va, ‘Lalpa, Lalpa,’ mi tih thin?” (Luka 6:46) tih a nih kha.

'I DIN LEH ANG U'

By Major Sangzuala

Nehemia 2:1-20. hi chhiartu zawng zawng ten chhiar hmasa thei ila ka va ti em.

He kan thupuihi Daniala hapta 70 bul intanna ania, BC-454 niin a hriat ani. Chuvangin kan thupui lo irhchhuahna hi thubul lam atangin ilo zir hmasa teh ang.

BC-951 ah Israel te chu ram pahnih ah inthen in, Israel te chu Palestina hmarlam ah hnam sawmte chu Lal hrang neiin an awma, Juda te chu chhimlam ah Lal hrang neiin an awm ta bawka.
Israel ram chu, BC-721ah Asuaria Lal Sargon-a chuan a han run a, Puithiam te, Lal te leh Mitha zawng zawng sal atan a hruai veka,Pathian Thuthlung an zawm duh loh avangin, Israel ram chu a KIN ta a.
Juda ram pawh, BC-588 ah Nebukanezara’n a han run a, Lal, Puithiam, Zawlnei leh Mitha zawng zawng sal atan hruai vekin, Jerusalem Temple rawkin, rangkachak no te tichhiain a then Babulon lam ah an hawna. Juda ram chu Pathian Thuthlung an sawmloh avangin a KIN ta a.

Zawlnei Daniala chuan, an ‘MESSIA’ tana Jerusalem ah kir leha tungding leh satha lehtur in Tawngtaina pindan siama, Jerusalem lam tukver hawngin a tawngtai thin a.(A ni hi Babulon sal tang a ni).
Tichuan Babulon chu tlawmin, Persia sawrkar chu an hunlaia khawvel zawng zawng roreltu an lo nia, an Lal Arazerzia lal kum 20 na an tawngtaina chhanna chu, Pathianin Gabriela tirin, chaktaka rawn thlawkthla in Daniala hnen ah a rawn hriat tira, chu hlawhtlinna thu Jerusalem tungding leh Satha tur chuan,Nehemia hnenah Lal thupek chu a lo thleng ta a.Lal chuan Saltangho kir phalna leh,Sipai sakawr chung chuangmi ho khat leh Palestina ramngaw (Ramhak) ami lak phalna leh,a tul chuan Lal sum pawh hmang zel tura,thupek kengin, Nehemia chu Jerusalem ah a kalta ani, BC-454 vel nia hriat ani.Hemi hun hi Daniala hapta 70 bultanna chiah pawh a ni a

Nehemia ch Jerusalem a thlen hnu nithum zan ah a chuanna sa chauh lo chu engmah kenglovin hnathawh dan tur a en chhuak veka, roreltu te leh midang tumahin khawihah nge a kal an hre lo. Chumi hnuah chuan Judate, Puithiam te,Roreltu leh midangte hnenah chuan, “Kan chan a chhiatzia hi in hmu a, Jerusalem a ram tihte, a kawngkharte a kang tih te pawh in hria a: hawh u, sawichhiat kan nih tawhloh nan Jerusalem kulh chu ‘I DIN LEH ANG U’ a ti a. Tin, anni chuan, “ I tho vng u khai; i din teh tak ang u,” a ti a.(Nehemia 2:17,18). Heng thu kan en hian Israel/Juda te an Saltan kum 70 na niin a lang bawk.

Kan kum 2011 thupui hian hetiang hian zirlai min pe a ni.
1. Hotu (Leader) Territorial Commander, Divisional Commander te leh Corps Officer te chuan mipui (layman) te hma ah Nehemia ang khan an feh chhuak anga, hmalakna tur tinrengahan mahni mai chuan tih vek theih loh a nih zia hria in, Local Officer te, Corps Council leh section hrang hrang hruaitu te leh sipai(layman) te nen lungrual tak a thawk ho turin hma an la tur a ni.

2. Local Officer te leh department hruaitu te pawhin thlarau khat a thawh ho a tulzia an hriat a tul ang.

3. Sipai(layman)te pawhin “I tho vang u khai I DIN LEH ANG U tiin kan kut leh ke i tichak ang u.

4. Keimahni mimal tin hian kan Pathian tan intuaithar leh ila, mi tupawh thawhpui thei turin, Pathian hnen ah chakna dilin thilpek thu ah te inkhawmna a kal turte, kawng tinreng ah hmasawn turin tan ila ang u.

“ Thupek thar ka pek che u hi, inhmangaih ula; keiin ka hmangaih ang che u hian nangni pawh inhmangaih ula. In in hmangaih chuan mi zawng zawngin ka zirtir in ni tih chu miah chuan an hria ang,” tiin Isuan min hrilh (Johana 13:34-35)

CENTRAL NORTH DIVISION S.A.Y SONGSTERS & QUIZ COMPETITION 2011

Central North Division S.A.Y Council te buatsaih in Ni 25 & 26 June, 2011 khan Aizawl Bazar Corps ah Songsters & Quiz Competition neih a ni a. Division chhung a Corps hrang hrang thahnem tak an tel a ni. Quiz ah Tanhril Corps pakhatna niin, Songsters bikah Dawrpui Vengthar Corps chuan pakhatna lawmman an la bawk.

Songsters Competition bikah hian Judge mi 4 ruat an ni a. Chung te chu Pu Robin Lalremruata (Chief Judge), Temple Corps, Pu JK Dawngzuala - Luangmual Vengthlang Corps, Pu Daniel - Dinthar Corps leh Pu K.Zohmingthanga - Aizawl Bazar Corps te an ni.

Songsters Competition neih hmasak a ni a. Zaipawl bikah hian hla pahnih sak tur a ni a, 'Krista Chanchin Kan Puang' tih hla chu Corps tel zawng zawng ten a an sak vek tur a ni a, tin, "Indona lam panin Sipai pen r'u" tih leh "Lalber Isua tana Dotu Sipaite" tih hla pahnih atangin duh zawk zawk sak tur a ni. Chawhma lamah "Krista Chanchin Kan Puang" tih hla hmangin inelna an nei a, chawhnu lamah mahni hla thlan theuh te an sa leh a ni. Chhunah Bazar Corps Festival Committee ten Intihsiakna a tel te leh a chhim tu te tan thingpui leh a hmeh tui tak an siamsak bawk a ni.

Zan lamah Quiz Competition tan a ni leh a. Dr. Lalhruaitluanga, Fin. Secretary, SAY Bazar Corps chu Quiz Master niin Corps hrang hrang ten Bible, Salvation Army History leh Current Affairs (April thla) te atangin zawhna an chhang a. Quiz Competition hi thawh hnih a kaltir niin, a thawhkhatna ah Corps 10 ten inelna an nei phawt a, chumi zawhah abak Corps dang te inelna an nei leh a ni. Hemi zan hian dar 11 velah inkhawm an bang chauh a ni.

Competition Closing chu a tuk Sunday zan (26th June 2011) ah RM Hall, Bazar Corps ah neih a ni a. Maj. F.Remthanga, DYS in inkhawmna kaihruaiin, Pu K. New Israela, Secretary, Div. SAY Council in report pekna hun te a hmang a. Competition lawmman semna hun in a zui a, Quiz Competition bikah Pakhatna lawmman latu chu Tanhril Corps an ni a. Zaipawl Intihsiak result hi judge ten semna an nei leh a, Central North Division Songsters Competition Vawi-1na lawmman pakhatna chu Dawrpui Vengthar Corps in an la a, Pahnihna chu Aizawl Bazar Corps niin Pathumna chu Luangmual Vengthlang Corps te an ni. Maj. Sangchhunga, DC in thuchah tawi sawina a neih zawh hnuin inhlanna in a zui a, zai a nuam in hlim takin he Quiz & Songsters Competition 2011 chu a tiak ta a ni.

Aizawl Bazar Corps SAY bik te pawh he hun atan hian nasa takin an inbuatsaih a. Zantin deuhthaw hla zir in an chhuak thin a, he an hla zir na a an thingpui in tur leh hmeh tur te mi thahnem ngai ten an tumsak thin a. Chung mi te zawng zawng chungah chuan Aizawl Bazar Corps SAY te chuan lawmthu an sawi tak zet zet a ni.

S.A.Y REPORT

By Secretary, Bazar Corps SAY

Kumin hian member 173 kan nei a, brigade 3 ah in then leh in kan member zing atang hian Missionary a kal pahnih Lalthlamuana Sailo leh Lalthianghlimi te kan nei a, Budget atan Rs. 2,03,600/- a ni.

Kumin chhung hian hmalakna kan la nei tam vak lova kan hmalakna leh thiltih tlangpui chu hetiang hi a ni.

1. Ni 14.2.2011 khan member thar te lawmna Freshers Nite hman a ni a.

2. Ni 18.3.2011 ah sum tuakna tur a tan blanket suk hnatlang kan nei.

3. Good Friday pualin May ni 14 khan Enna In leh Blind school, Kolasib te tlawh a ni a, hetah hian Blind school te sound system leina tur atan Rs. 1000/- kan pe a, Enna In an Nihliap 25 leh eitur pek a ni bawk.

4. April ni 4 khan Pageant Nite, Dinthar Corps ah hman a ni a, hetah hian kan member Cadet K. Lalrammawia, Officer atana Commission chu thilpek leh pawisa fai pek ani a, tin hemi zan hian Creative Arts show a ni.

5. Central North Division Songster te Arunachal Pradesh Mission Field a kalna tur atan Rs. 1000/- pek an ni.

6. Chhotakongrai a sipaite mamawh thuamhnaw leh thildang te CO kaltlangin hlan an ni.

7. April 26 Zoram Sipai Pawl Ni denchhena kan division in thisen pek runpui kan corps a neihah khan a tul ang ang buaipui a nih bakah kan member engemaw zatin thisen an pe.

8. May ni 16 zan ah New Market ah Mual inkhawm neih a ni.

9. May ni 30 khan Movie nite neih a ni.

10.Bazar CO Bial SAY Sports neihah kan corps chu football ah kan champion bakah a pumpuiah 2-na kan ni.

11.Tunah hian kan Division chhung SAY te Quiz leh zaipawla intihsiakna neih turah nasa taka inbuatsaih a nih bakah SAY T-Shirt tuma hma lak mek ani bawk.

CHHOTA GONGRAI & SIMALUNG BIAK IN SAK REPORT

By Major Vanlalhuma, CO

Bazar C.O bial hruaitute hma lakna in Pu Chawnghlira Col. Sgt. Chanmari Corps leh Pu H. Lalbiaka QM, Chanmari ‘W’ Corps te nen ni 14.2.11 khan Biak in sa turin Tripura kan pan a, Behliangchhip atangin Capt. Rohlupuia, CO leh mistiri 2 in min zui bawk. Ni 15.2.11 zan dar 8:00 velah Chhotagongrai chu thlengin ni 16.2.11 ah Biak in sak chu tan a ni a, zing hma tak atangin tlai lam a thawh theih chhung chu thawh a ni.
Biak in hi 15’x30’ a zau niin ni 2 chhungin sak zawh ani. Ni 18.2.11 ah Simalung ah Biak in (Bazar Corps Missionary te sak a ni) dang sak leh a ni a, hetah hian thingzai duh ang lei tur a awm loh avangin thingtuai leh thing hem phel te lak chawp a ni a, a hautak hle mai. Mahse Lalpan min pui a, ni 2 chhung bawkin 12’x24’chu sak zawh a ni leh ta. Lalpa chu fakin awm rawh se. Ni 4 chhungin Biak in 2 (pahnih) sak zawh a ni a, Biak in hi a chung leh a bang rangva vek niin an khuaa in tha ber ve ve a tling. Simalungah phei chuan Pathian Biak in an neih vawikhatna a ni a, a lawmawm leh sual hle.

A MI CHENGTE: Khawvel hmasawnna hian ala thleng ve rih lo. In leh lo, silh leh fen, ei leh barah an la hniamin an khawsak a harsa hle mai a, thlengah chaw an la ei lova, changel hnahah vek kan ei. Ek in an neilo a, bawlhhlawh paihna bik pawh a awm lem lo. Tui an hmang tlem em em a, tin 1 dawng chhunkhawlna nei an vang viau ang. Inbual dawn paw’n luiah kal a ngai. Mualthuam (Molsom) hnam an ni a, mizo hnahthlak ni awm tak an ni. Kan tawng pawh in ang a tam mai, mahse Bru (Tuikuk) lam an la pawl tam mah a, Tuikuk tawng pawh an thiam tlangpui. Thuamhnaw leh mutbu an neilo a, zingah hma takin an tho a, mei an chhem hluah a an ai thin. Hei hi zing lam khawvawtah an mut theih thin loh vang niin an sawi.

MIN NGAIH DAN: Mizote min ngaisang hle a, min zah tlat a, hna thawhho pawh a harsat phah a tirh dawt loh chuan min en mai thin. Thil engkim nei leh titheiah min ngai ni berin ka hria, rambuai hma lam daiha SAP kan ngaisang ang chiah khan min ngaisang a, an duh duh min dil mai a ni. Biak In ah-Khuang, Guiter, Bible, Flag, Thutthleng (Plastic chair telin) te an nei lo a,thuamhnaw, mutbu, bungbel an mamawh tak zet a ni.
Biak in tharah hian pawlah mi 4(pali) lawm lutin nau 2(pahnih) hlan a ni a, naute hi tuamna puan an neilo nge ni ruakin min rawn pe tawp a, kan hlan tawp mai a ni. Inkhawm boruak a tha em em a, an zai uarin an phur a, an hla kan thiam lo erawh chuan min tibuai deuh. MITDEL, hlim em em a ban phar a, Pathian fak hmuh chuan min hneh tlang hle a ni.
Kan haw dawn chuan naupai pumna damlo kan zuk kan a, lei chhuata mu in, a pasal in a mal alo lukham tir a, a bulah chuan a pa, midel hlim tak a lam kha lei lawngah gamchha tet tawh sinin alo mu bawk a. Tawngtaina ka hmanga a ziaawm thu min hrilh a. Pu Biaka, QM nen kan mutbu kente chuan chhuat lawnga mu mitdel chu kan zuk khuh a. Haw tura kan chhuak chu an monu chuan kawngka biang ngheng hian min rawn thlir reng a, “I dam tawh em ni?” ka zuk ti a, ani chuan ‘aw’ tiin mittui tla ngiai ngiai chung hian min bye bye a, kalsan a har ngei mai. Isua hunlai a damloten Isua an mamawh zia te min hriatchhuah tir vang vang a, min thakhlelhna a nasa a, kan haw chu min rawn thlah dum dum a,
motor thlen theih chin Saimarua thleng tur chuan ke in darkar khat vel kal a ngai a, chumi thleng chu min thlah a, mittui nen kan in mangtha ta a ni.
Heng mite hian i neih chuangliam i mamawh tawh loh te kha an mamawh em em a, chanchintha rawngbawl nan i hlan ve thei ang em le?

Vawiinah hian Lalpa tana lawm taka pe phal tunge awm le?

SAY ACTION PLAN LEH BUDGET 2011

January ni 11, chawhnu dar 2:30 khan SAY Office ah kumina SAY Council vawi khatna leh Budget, Action plan te siamin Council neih a ni.

He council hmasa berah hian Leader/Chairman C. Lalthlamuana’n Council Member thar lawmna sawiin, Pathian hnen ah Council te a hlan hnu-in agenda te sawiho nghal ani.
Budget, 2011
Fin.Secretary, K.Lalhruai-tluanga’n kum 2011 atana kan budget a siam chu sawifiah na a nei a, chumi hnu ah nguntaka ngaihtuah anih hnuin Budget atana a rawn siam Rs.2,03,600.00 (Cheng nuai hnih sangthum zaruk ) chu lungrual taka pawm ani.
Incharge hrang hrang ten Action Plan leh Budget an rawn siam chu nguntaka sawiho a ni

Evangelism

Judy Lalfakzualin kum 2011 atana action plan leh budget a rawn siam chu hetiang hian pawmpui a ni :-

Spiritual Retreat
hei hi nguntaka sawiho anih hnu ah Senior Corps ten 26 January, 2011 ah Retreat an siam dawn tho avangin hemi ni ah hian SAY member tea tam thei ang ber kal tur a in hrilh/sawm ni mai se kan ti.

Making Videos ( Worship Dance/Skit/Band etc) budget atan Rs. 5000.00

Praise & worship festival, 2011 Hei hi September thla ah neih theih ni se budget atan – Rs. 1000.00
Fasting Prayer ( Once every month) 1st Monday zan
Mual inkhawm (Monday Night/Sunday)
Budget Rs.2000.00
Movie Night SAY inkhawm ah
Fresher Welcome Night

Project – Outreach ( Nepal/Darjeeling/Kalimpong) khawi hmun ber emaw nise a hun atan chuan December thla ah nise.
Project estimate – Rs. 80,000.00
Evangelism budget – Rs.7,000.00
Project Estimate
Rs80,000.00
Assistant Evangelism In charge atana Incharge in a rawn thehluh Emmanuel Lalhmunsanga chu lungrual taka pawm a ni

Social & Community

Vanlaldiki Sailo Social & Community In charge in action plan leh budget a rawn siam te chu nguntaka sawiho a nih hnu ah hetiang hian pawm a ni.
Ni 22-24 April, 2011 Good Friday & Easter Sunday or hun remchang hmasa ah Enna In, Blind Hostel leh Officer Training College, Kolasib ah Free clinic neih nise, Kolasib Corps hrang hrang ah rawngbawlna neih ni bawk se
Ni 26 April Zoram Sipai Pawl ni ah Social Works neih
19 June SAY Sunday pualin Civil Hospital leh Thana ah thl semna neih.
2nd July Founder’s Day ah babies Home or Muanna In ah hnatlang neih a, an hna tulte thawhsak
Salvation Army tan a Social Service pawimawh zia in zirtirna Social Service Night hman nise
Tanpui ngai tanpui na eg: khawlai a riak thin te tan mutmu/blanket khawn khawm a pek nise
Bawm dawh midangte tanpui nan. Eg:-Civil Hospital a damlo harsa zual te tan
Budget – 3600.00

Games & Sport

Lalsangbera Games & Sports In Charge in Action Plan leh Budget a rawn siam te chu nguntaka sawiho anih hnu ah hetiang hian pawm ani.
Khawpui chhunga eng Corps ber nen emaw joint sport neih
Brigade Sports neih – Indoor and outdoor – Outdoor ah hian Babutlang Basket Ball Court emaw Dawrpui School kawt hman nise. Indoor atan chuan R.M. Hall complex hman nise
Bial Sports a awm dawn anih chuan Corps dang sawm a warm-up/ preparation match neih nise. Items atan Football (Men) Volley Ball (Women) Race ( Men & Women) neih thei ngei nise
No.I & 2 hi Academic Calendar zul zuia neih nise
Budget - 3,600.00
Drama – Nl. H. Lalhriatpuii Drama In charge in action plan leh budget a rawn siamte chu nguntak a sawiho anih hnu ah hetiang hian pawm a ni.
1)Doordarshan ah Skit & Worship dance Good Friday denchhen a neih nise. In charge in a rang lamin hma lo la se
2)Performing Arts Festival - hun remchang ah neih ni se
3)Costume & Disc Blank lei tur.
4)Talent Search neih ni se.
5)Brigade Worship Dance Competition
Assistant In Charge atan Tv. Lalruatkima ( tekima) a rawn propose chu lungrualtak a pawm ani
Budget – 3600.00

Music -

Tv. Lallawmzuala, Music in charge in Action Plan leh Budget a rawn siam te chu nguntak a sawiho anih hnu ah hetiang pawm ani.
1)Worship Team din – Hei hi In charge in member tur rawn ruat se council leh hmasaber ah sawiho nise.
2)Thlatin a hlachang sawitu leh Musician ruat
3)Beat Contest ( Sports nen a tangkawp a siam nise)
4)Zaipawl neih anih dawn chuan Member turte council in ruat nise.
5)Keyboard zirtur sponsor
Project :-
1)Bass Combo - Rs. 20,000.00
2)Bass Guitar thar ( 1Nos.) - Rs. 20,000.00
3)Microphone Stand ( 2Nos.) 2 x 4600 - Rs. 9,200.00
4)Power Strip ( 1Nos.) - Rs. 1,000.00
5)Extention Cord ( 2Nos.) 2 x1700 - Rs. 3,400.00
6)Condenser Microphone (2Nos.) 2 x 15000.00- Rs.30,000.00
7)Condenser Microphone Stand(2Nos.) 2 x 4600.00 - Rs.9,200.00
8)Microphoen rest
9)Sub Woofer
Repair turte :-
1)Bass Guitar - Rs.1000.00
2)Acoustic Guitar - Rs.2500.00
3)Mixer hlui ( adaptor) - Rs.1000.00
4)FM Microphone - Rs. 500.00
Budget – Rs. 3600.00
Assistant In charge atana Tv. Oliver Zothanpuia In charge in a rawn rawt chu lungral taka pawm ani.

Literature :

Nl. R. Lalremtluangi Literature In Charge in Action Plan leh Budget a rawn siam chu nguntaka sawiho anih hnu ah hetiang hian pawm ani.
SAY Chanchinbu Salvationist chu chhuah chhunzawm leh ngei nise kan ti. Editorial Board member siam ani. Salvationist man khawn chungchang ah Receipt siama thlatin Council Member bial neituten khawn leh nise
Sponsorship leh Advertisement zawn nise. Advertisement bik ah hian Kohhran kaihhnawih ang chauh chhuah nise
Corps chhung a Local officer leh SAY member zing ah atam thei ang thuzial tur a sawm.
Literature Night hman nise – Salvation History leh Doctrine atanga Quiz siam ni bawk se.
Assistant In Charge atan Nl. C. Ramropuii In charge ina rawn rawt chu lungrual taka pawmpui ani.
Budget – Rs.3600.00

AOB :- 2011 ah pawh hian Brigade 3 ah inthen leh nise kan ti a, Brigade hming tur hi ngun tak leh reitak sawiho a nih hnu in Brigade hming kan lo hman chhoh mek kan Retired officer 3 te hming hman leh nise kan ti a-
Maj. Lalthansanga
Maj. Sangzuala
Maj. P.C Thansanga Brigade ni se kan ti. Brigade Budget atan hian Rs.5,000.00 ( Rs.Sangnga) nise. Brigade Leader turin heng mite hi council chuan lungrual takin a pawm ani –
Emmanuel Lalhmunsanga
Isaac Lalhlimpuia
Victor M.S Dawngliana

Bial then chungchang :- Secretary in Council member te bial then a rawn siam chu nguntaka ngaihtuah anih hnu in hetiang hian pawm ani:-
a) Jail veng, Medical Quarters, Upper Bazar
Ellen Lalengzuali, Treasurer
Joseph Lalremmawia, c/m
b) Dinthar-I
C. Lalthlamuana, Leader
C Ruala, c/m
Lalruatkima, Asst Drama i/c
c) Dawrpui West
Vanlaldiki Sailo, Social & Community i/c
Victor M.S Dawngliana, Brigade Ldr.
d) Dawrpui South
Nelson Lalthanpuia Sailo, Secy
Judy Lalfakzuali, Evangelism i/c
Emmanuel Lalhmunsanga, Asst. Evan. i/c
e) Saron Veng
M.S Dawngzuala, Asst. Secy
Lallawmzuala, Music i/c
R. Lalremtluangi, Literature i/c
f) New Market & Chhinga Veng
Robert V.L. Thlamuana, Asst. Leader
H. Lalhriatpuii, Drama i/c
g) Electric Veng
Lalsangbera, Games & Sports i/c
C. Ramropuii, Asst. Literature i/c
h) Zarkawt
K. Lalhruaitluanga, Fin. Secy
Isaac Lalhlimpuia
Oliver Zothanpuia, Asst. Music i/c

3) Faith Promise khawn leh ip chungchang : Nikum lama kan lo tih taw hang in Bial neituten khawn keh nise, thlatin in thawhtan zan vawihnih na ah kenkhawm thin nise. Tin Faith promise ip ah hian Building Fund leh Spl. Fund tih tel nise. Missionary Ip chu a hran a siam nise kan ti.
4) Lehkha hmuh :- Kan member Nl. Lalthianghlimi’n YWAM DTS a tih dawn avangin SAY te hnen ah Sponsor a rawn dil chu nguntaka ngaihtuah ania. Sponsor hi tihsak ngei nise. Amaherawchu tun ah hian kan sum dinhmun a that vak hrih loh avangin Missionary kan lo chawm pangngai 3 chu pakhat ah ti hniam in , Nl. Lalthianghlimi leh Tv. Lalthlamuana Sailo chu thlatin Rs.1000.00 a sponsor nise. Hei hi Missionary Board ah hriattir nise kan ti.


Salvation Army Youth, Aizawl Bazar Corps
budget for 2011
INCOME
1) Offering Rs.1200/- X 12 months Rs.9,200.00
2) Special fund Rs. 200/- X 12 months Rs.2400.00
3) Missionary fundRs. 2000/-X 12 months Rs.24,000.00
4) Faith PromiseRs.6500/- X 12 months Rs.78,000.00
5) Dawr luahmanRs. 4500/- X12 months Rs.54,000.00
6) Membership Rs.10/- X 160 persons Rs.1600.00
7) Literature Rs.7000.00
8) Brigade budget Rs. 5000/- X 3 Rs. 15,000.00
9) Social service fund Rs. 200/- X 12 Rs. 2400.00
10)Fund raising, Christmas appeal

Total Rs.2,03,600.00

EXPENDITURE
1)Corps maintenance Rs.1100/- X 12 months Rs. 13,200.00
2) Missionary Rs. 3000/- X 12 months Rs. 36,000.00
3) Bial SAY Rs. 550/-X 12 months Rs. 6,600.00
4) Loan rulhna Rs. 8000/- X 12 months Rs. 96,000.00
5) SAY Congress Rs. 15,000.00
6) Evangelism Rs. 7000.00
7) Social and Community Rs. 3600.00
8) Games and Sports Rs. 3600.00
9) Drama Rs. 3600.00
10) Music Rs. 3600.00
11) Literature Rs. 13,000.00
12) Social service fund Rs. 200 X 12 Rs. 2400.00 Total Rs.2,03,600.00
2010 Budget Rs. 1,81,648.00
2011 Budget Rs. 2,03,600.00 A inthlauhna Rs. 21,952.00
A punna Rs. za zelah Rs. 12.08p